Revelation 1:7
Veuvin, ama meihotoh ki-lhonin ahunge; chule mit jousen asunho tah jong chun amu dingu ahi; chule leiset namtin le phungtinin a-op achup chup dingu ahi. Chuti ahi, Amen.
JESU HUNG VAH DING AHI TAI THUSOH
CLICK THE BUTTON BELOW TO ACCESS
By. Mr. Shonkhogin Haokip
"SOPI KINGAITON! NAPAN CHENNA DING IN NEILOUVIN VAHLE LE*HENLANG HILEH, NANGMA INNOMTAH-A NACHENGNOM NADEM?"
*"Vo kamite, ipidinga nangho in phatah tah a nachen uva, Keima Houin asesa kijamthang hitam? Nachunguva thilsoh hohi mulou helouhel nahiu vem? Muchi 'tampipi natu vanguvin lhosoh ga them chacha bou namu've. Neh ding nanei vangun oiva na in nanei pouve. Lengpitwi don ding naneiyun, chim nan*naneipouve. Ponsil naneiyun, ahinla lum nasahpi pouve. Tohman neiya sumloa pang jenghon jong alo dohsa sum chu akoina sakhao avangsa ahikit ne. Haggai 1:4-6.*_
Sopiteho, hichea Pathen in aseilona pentah hi ngaimong mong tadiu vin, nangai ngam u hinam? Nangho in nom tah tah a nacheng uvin, Keima chenna ding nakhohsah pouve. Hiche tahtah jeh a chu nahi dingdol u nahi theiji lou u ahi. Tichu, muchi tampipi natuvin, lhomcha cha bou namu uve. Sum tam pipi na lo uvin, akoina sakhao avangsa ahibou ve. An naneuvin navapou vin, twi nadonun nachim pouve, damding nangai chau vin, hijeh chun damtheina dingin sum tam pipi nasu manguvin ahinla nadamtheng thei pouve. kiti thucheng hohi thugiltah ahin, Pathen thun, *Nachunguva thilsoh hohi mulou , helouhel nahiuvem ?* kitilo na chu ahi.
Ajehchu nanghon keima chenna ding nakhohsah pouve. Apha nadei uva ahile nalungthim sunga chun kachenna ding mun nei gontoh peh uvin chutileh nahiding dolu hitau vin nate. Ti chu natam tuleh natam at ding nalhom tu leh nalhom at ding, nanehle navading, nadon le nachim ding chuleh dam na dinga nakijen leh nadamding tina ahi. Hijehchun, napan hibang a nangma phatna ding leh na inchen na ding ngaitoa, nangin nahingpa napa chenna ding nangai to peh lou tobang hiding ahi. Ajehchu ipenna inule ipa kal a ingailuding leiset chunga aumpoi. Nulepan angailutna hephalou chate chu a itih in hinkhonom mangthei ponte. Hijeh a chu chate ho Pakaijah nanule napa jabol in, athu ngaiyin kitilona hi ahi.
Achutia inule ipabon chubang tah a ingailut thei uva ahileh, amani sempa Ipau Pathen chu itobanga igelkhoh joh dingu hitam ? Tunin Ipau Pathenin eiho kitho pi dinga ahinsol Lhagao theng chu I Pathenu ahin, Ama chenna ding don louva eima eima chenna dingbou ikhohsahuva mi ijat hi genthei hahsatna le lhinlal lhahsamna um hitam tihi mi tamtah in ahedoh joupon ahi. Pathen tahsan khat ding in asem pa Pathen chen na ding donlouva ama chenna ding maimai kikhoh sah ho chu tahsa lam hihenlang lhagao lam hijongleh lhahsamna khat umjing ding ahi. Aum vangin mi tamtah in ahedoh jou hih hel uve. Achunga Bible in,” *Nachunguva thilsoh hohi mulou helouhel nahiuvem?* ” atibang hin mitamtah in achunga boina tamtah atovang in, imacha ahedoh thei himhim jipouve. Ipichu boiham itia ahileh Bible in, _*“Muchi 'tampipi natu vanguvin lhosoh ga them cha cha bou namu've. Neh ding nanei vangun oiva na in nanei pouve. Lengpitwi don ding nanei yun, chimnan naneipou ve. Ponsil naneiyun, ahinla lum nasahpi pouve. Tohman neiya sumloa pangho jengin jong alo dohsa sum chu akoina sakhao avangsa ahikit ne. Hag.1:4-6.*_
Nangma jong nanatohna a hapana napan maithei ahi. Adeh a Pathen ngailu ho dinga hi neile gou sum le pai ho sanga alhagao hinkho suhchet peh ding, sudih peh ding kitihi Pathenin angaichat pen chu ahi. Hiche aman asuhdihpeh nom ahilou leh asuhthengpeh nomho chu asemphat dinghi anatoh nauva alolhin sanguva adeijoh ahi. Ahinla Pathenin anatoh nauva alosam dingu adeina ahinai sai poi. A lhagao u akhohsah behseh jeh uva asei ahibouve. Hijehchun Sopite ho, hiche ithupi uvin asei nom pentah hi nangma innom tah tah a nachen ding jong ajahda ahipoi. Aseinom pentah chu nangma innoma nachen bang chun nasempa Pathen Lhagao theng chenna ding nalungthim sung jongchu sem phat peh masat in atina ahijoi.
Hiche chu ipiham itia ahi leh ilungthim sunguva hi lhagaotheng chenna thei dinga kigot angaitan ahi. _*Ajehchu lungthim kitihi joulhep na dimset haset set na se ahitai atin ahi. Jer.17:9.*_ Hitobang lungthim chu semphat louleh gontup louva chu Pathen lhagaotheng chenna thei him him hilou ding ahi. Asemphat na dinga alou phapen chu Pathen thule taona ahin, Pathen thu ngai/jah a kona keihi koi kahim tichu kiki hetdoh ji ahin, hiche a kona keima hi michonse mong mong kahi tihi min akihetdoh phat leh achonset ngai dama aum theina dingin, kichatlam jong ahepon, jachatlam jong ahepoi, hinna dingin Pathenin adeidei chu kinom jengji ahibouve. Hitia chu iuma chonset ngaidamna kihet chetna inei phat leh hiche a kona chu Pathen phat thei bohna kichanga akibol bol ho jouse jong phatthei bohna kichanga, lo neiya sumsangho jong alo kham khama ning lhing theiji ahibouve. Achutilouleh sakhao homsa a sum kikoi tobang hiji ahi. Hijeh a chu nasunga Pathen chenna akitupleh tahsa damtheina, sumle paiya ninglhingna, nehle chah a ninglhina kitiho chu aum ding mong ahitai. Pathen in simho jouse phatthei bohtahen.
VIDEO SERMON LAHKHOM...
JESU HUNG VAH DING AHITAI